Mbretëria e Bashkuar dhe Bashkimi Evropian kanë akuzuar Kinën për kryerjen e një sulmi të madh kibernetik.

Sulmuesit kanë pasur në shënjestër serverat e Microsoft Exchange, duke pasur kontrollin kështu mbi një të katërtën e një milion servave në të gjithë botën.

BE ishte e para që dha një deklaratë duke thënë se sulmi erdhi nga “territori i Kinës”, ndërsa Mbretëria e Bashkuar tha se hakerat kinezë të mbështetur nga shteti ishin përgjegjës.

Vendet kanë thënë gjithashtu se Ministria Kineze e Sigurimit të Shtetit ishte përgjegjëse për aktivitete të tjera spiunazhi.

SHBA. dhe MB kanë thirrur shpesh fushata kibernetike nga shtetet kombëtare, por për t’u bashkuar nga BE, e kjo e bën më të rëndësishme këtë çështje dhe ndikimin që ka për popullatën. Në MB, Qendra Kombëtare e Sigurisë Kibernetike (NCSC) lëshoi këshilla për mbi 70 organizata të prekura nga sulmet kibernetike.

“Sulmi kibernetik ndaj Microsoft Exchange Server nga grupet kineze të mbështetura nga shteti janë një model i pamatur, por i njohur i sjelljes së tyre,” tha Sekretari i Jashtëm Dominic Raab.

“Qeveria kineze duhet t’i japë fund këtij sabotimi sistematik kibernetik dhe të pranojë përgjegjësitë nëse po e bën këtë gjë”, shtoi më tej ai.

(BalkanWeb)