Mbretëria e Bashkuar po i dhuron Ukrainës 22 ambulanca të reja dhe pajisje mjekësore pas një kërkese nga qeveria atje, ka njoftuar kryeministri Boris Johnson.

Kjo vjen vetëm disa javë pasi një dërgesë prej 20 ambulancash u dërgua në vend, ndërsa ende lufton kundër pushtimit rus.

Organizatës bamirëse të ndihmës mjekësore UK-Med, e cila punon në vijën e parë të fatkeqësive në mbarë botën, i janë dhënë 300,000 £ fonde për të trajnuar mjekët, infermierët dhe paramedikët ukrainas në trajtimin e viktimave masive.

Organizatës bamirësise i janë dhënë gjithashtu 300,000 £ fonde për ilaçe dhe furnizime të tjera farmaceutike për t’ia sjellë stafit mjekësor ukrainas.

Më shumë se 40 makina zjarrfikëse kanë mbërritur tashmë në Ukrainë nga Britania e Madhe, pasi vendi pa më shumë se 100 nga stacionet e tij të zjarrit dhe 250 makina zjarrfikëse të shkatërruara në luftë.