Zgjidhet kryetar i Komisonit te Rithemelimit për degën e Himarës dhe Bulqizës. Mësohet se drejtuesi i ri në Himarë do të jetë Afrovita Dhimojani. Sipas Komisioni i Organizimit dhe Kontrollit të Operacioneve Elektorale të Partisë Demokratike, Dhimojani fitoi me 39% të votave.
Ndërsa në Bulqizë, pas shtyrjes së zgjedhjeve ditën e dielë dhe probleme të ditës së sotme, pas numërimit të votave të anëtarësisë, fitues ka dalë Fatos Hoxha me 56.6% të votave.
NJOFTIMI
Komisioni i Organizimit dhe Kontrollit të Operacioneve Elektorale të Partisë Demokratike njofton që është mbyllur procesi zgjedhor për zgjedhjen e kryetarit në PD Dega Himarë.
Pas numërimit të fletëve të votimit, Kryetar i PD Himarë, ndërmjet 3 kandidaturave, shpallet znj. Afrovita Dhimojani me 39% të votave.
***
Komisioni i Organizimit dhe Kontrollit të Operacioneve Elektorale të Partisë Demokratike njofton që është mbyllur procesi zgjedhor për zgjedhjen e kryetarit në PD Dega Bulqizë.
Pas numurimit të fletëve të votimit, ndërmjet 2 kandidaturave, Kryetar i PD Bulqizë u shpall, z. Fatos Hoxha me 56.6% të votave.