Gjashtë persona u mbytën pasi një varkë turistike u përmbys në brigjet e qytetit brazilian të Rio de Zhaneiros, tha një zëdhënës i Departamentit të Zjarrfikësve.

Sipas autoriteteve lokale, një stuhi e fortë bëri që varka me 14 persona të mbytet në Gjirin Guanabara, në Oqeanin Atlantik.

Ekipet e emergjencës gjetën gjashtë trupa. Gjashtë pasagjerë të tjerë mbijetuan dhe dy janë ende të zhdukur, duke përfshirë një djalë tre-vjeçar, tha Leandro Monteiro, komandant i Departamentit të Zjarrfikësve në Rio de Zhaneiro.

Varka thuhet se ishte marrë me qira nga familjet për një pasdite të qetë duke lundruar në Gjirin Guanabara.

Në një deklaratë, Marina braziliane tha se hapi një hetim për të përcaktuar pse anija nuk ishte në gjendje t’i rezistonte stuhisë dhe u mbyt ndërsa lundronte midis ishullit Governador, ku ndodhet aeroporti ndërkombëtar i Rio de Zhaneiros, dhe ishullit Paqueta.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb