DURRËS
Një 24- vjeçar është arrestuar në Durrës pasi u kap me kanabis në automjetin e tij.
Personi me inicialet A.M, u kap me një sasi të vogël kanabisi prej 6.6 gram lënëdësh narkotike.
Po ashtu është arrestuar dhe një person tjetër i shpallur në kërkim për dhunë në familje. 55- vjeçari I.M, ishte dënuar nga Gjykata me 4 muaj burg por ishte në kërkim dhe tani pas arrestimit do të kryejë dënimin e caktuar.
Si dhe është ndaluar dhe një 28- vjeçar S.V, në Shijak për drejtim të automjetit në gjendje të dehur.
NJOFTIMI I POLICISË
Durrës
Arrestohen në flagrancë 2 shtetas, për vepra të ndryshme penale. Si dhe ndalohet një 55-vjeçar, i shpallur në kërkim për veprën penale “Dhuna në familje. Specialistët për hetimin e trafiqeve dhe narkotikëve në Drejtorinë Vendore Durrës, në vijim të punës për parandalimin, evidentimin dhe goditjen e veprimtarisë kriminale në fushën e narkotikëve, arrestuan në flagrancë shtetasin: A. M., 24 vjeç, banues në Durrës. Gjatë kontrollit të ushtruar në mjetin të cilin ai drejtonte, iu gjet dhe sekuestrua në cilësinë e provës materiale një sasi prej 6.6 gr. lëndë narkotikëve, e llojit cannabis sativa.
—
Specialistët e Qarkullimit Rrugor në Drejtorinë Vendore Durrës, në vijim të punës për parandalimin e aksidenteve rrugore dhe ndëshkimin e atyre drejtuesve që drejtojnë mjetin në gjendje të dehur, arrestuan në flagrancë shtetasin: I. V., 28 vjeç, banues në Shijak. Ky shtetas u konstatua nga shërbimet e Policisë duke drejtuar mjetin tip “Volkswagen” në gjendje të dehur.
—
Gjithashtu specialistët për hetimin e krimeve në Komisariatin e Policisë Durrës, në vijim të punës për kapjen e personave në kërkim dhe vënien e tyre para përgjegjësisë penale, ndaluan shtetasin: I.M., 55 vjeç, banues në Durrës. Këtë shtetas, Gjykata e Shkallës së Parë Durrës e ka dënuar me 4 muaj burg, për veprën penale “Dhuna në familje”. Materialet i kaluan Prokurorisë së Rrethit Gjyqësor Durrës, për veprat penale “Prodhimi dhe shitja e narkotikëve”, “Drejtimi i mjetit në mënyrë të parregullt” dhe “Dhuna në familje”.
(BalkanWeb)
