SHKODËR
Zbardhen detaje të reja nga sulmi ndaj mjetit të biznesmenit Nikolin Shqau në Shkodër.
Gazetari Senad Nikshiqi raporton për “BalkanWeb” se autorët kanë thyer pjesën e përparme dhe të pasme të mjetit me një shufër hekuri, të cilën më pas e kanë hedhur brenda mjetit.
Gjithashtu, autorët i kanë lënë biznesmenit edhe një letër të palosur te xhami i makinës, mesazhi i së cilës nuk dihet ende.
Siç raporton gazetari Nikshiqi, biznesmeni Shqau ka thënë në polici se nuk ka konflikte me asnjë person.
I vetmi dyshim i tij është një person, i cili i ka kërkuar një vend pune, por që ai nuk e ka marrë. Ai thotë se nuk ka bërë debat, por thjesht i ka kërkuar një vend pune dhe ky e ka refuzuar.
(BalkanWeb)