Në studion e emisionit me “Zemër Të Hapur” të gazetares Evis Ahmeti u trajtua një ngjarje konfliktuale në Këlcyrë, mes nuses së djalit, vjehrrës, vjehrrit dhe kunatës.
Ishte vetëm 17 vjeç kur fati e njohu me një djalë rreth 12 vite më të madh… ishte një njohje nëpërmjet telefonit. Kristina sot gëzon këtë martesë si dhe ka sjellë në jetë një fëmijë, që është 1 vjeç. Por ajo do të behet sërish nënë e një fëmije tjetër që do të vij së shpejti në jetë!
Pas ardhjes në jetë të fëmijës së parë nisi konflikti midis saj, vjehrrit, vjehrrës edhe kunatës.
Kristina shprehet se ata nuk e pranojnë dot faktin e të jetuarit në të njëjtën banesë edhe pse kjo e fundit është një shtëpi e madhe e përbërë prej dy katesh.
Ishte data 27 mars 2022 kur mes Kristinës dhe kunatës pati një përplasje verbale ku degradoi me kërcënime dhe ofendime ndaj saj, gjë që çoi në përdorimin e dhunës psikologjike. Marrëdhëniet po agravojnë çdo ditë edhe më shumë saqë nëse nuk do kishte tërheqje nga ana e Kristinës situata, pretendon ajo, mund të trasformohej në shkallë më të rëndë.
“Para dy vitesh jemi njohur nëpërmjet telefonit , pasi unë duke marr një shoqen time të ngushtë dhe ngatërrova numër dhe më doli bashkëshorti im i sotëm pasi ne vazhduam të flisnim me njëri tjetrin. Unë jam rritur me prindër të divorcuar dhe kam jetuar me nënën time pasi ai ka tentuar dhe ka dashur të mos jetoja me mamin dhe më duket sikur po më përsëritet e njëjta situatë edhe me mua aktualisht. Komunikimi që kisha dikur me bashkëshortin mendoja që do krijonim një marrëdhënie të mirë. Mirëpo pas 4 muajsh që ne po flisnim babi im më kapi dhe unë i tregova se jam në njohje prej katër muaj. Babi më kërkoi ta njoftoja se duhet ta takonte vet personalisht Petritin. Edhe kështu ndodhi, por kur u takova me Petritin mendova se nuk ishte momenti dhe se ishte më i madh se mua. Por sot e mendoj se nuk është gjithçka. Bashkëshorti solli babain në shtëpi, takoi edhe gjyshin tim dhe ata pohuan se nëse duhen të rinjtë edhe ne dakord jemi. Mirëpo asaj kohe pohova dhe kërkova ta vazhdonim njohjen edhe për disa kohë sepse edhe ai duhet të dinte problemet e mia dhe unë të tij. Kur shkova nuse në shtëpi më pritën mirë por nuk e dija që kishte një familje të madhe ku brenda banesës jetonin kunata dhe fëmijët e kunatës tjetër sepse i kishte ndodhur një fatkeqësi i kishte vdekur burri. Por aty jetonte dhe kunati edhe vjehrra dhe vjehrri. Ra pandemia dhe Petriti më kërkoi që të shkoja te shtëpia e tij dhe shkolla u kthye online dhe përfitova. Mirëpo babi më telefonoi dhe më tha mos eja më në shtëpi qëndro aty. Dy vitet e fundit unë jetoja tek babi me dëshirë sepse kisha dhembshuri dhe doja ta njihja. Pas disa muajve që qëndrova në shtëpinë e Petritit, babai erdhi pas dy muajsh dhe më solli një shumë parash pasi nuk bëra një dasmë dhe mi dha si dhuratë. Kështu nisi bashkëjetesa me Petritin, derisa një ditë vjen kunata ime e cila po qëndronte tek motra e saj në Tiranë dhe më gjen duke larë shtëpinë dhe më kërkoi ta vazhdonte ajo, nuk më erdhi mirë por ja lash. Por pastaj nisën konfliktet duke më pohuar se nuk jam e dëshiruar për prindërit e Petritit. Por kur shkova në shtëpi babai i Petritit pësoi një problem shëndetësor dhe nuk llogjikon. Ai dëgjon shumë çfarë thotë vjehrra dhe kunata ime. Unë jam ndier dhe ndihem e kërcënuar dhe kanë tentuar të më godasin. Por ata shprehen duke thënë “merre atë dhe qërohu”. Kanë ngritur dorën dhe kanë tentuar kryesisht nga kunata 27 vjeçare. Por unë kam pësuar shok madje më ka rënë edhe të fiktë edhe më kanë kërcënuar në Facebook dhe kur kam shkuar të denoncoj polici më ka thënë bëji bllok se s’ka gjë. Kunata ime më quan të sëmurë mendore por unë nuk jam e sëmurë mendore”, shprehet ajo.
Nga ana tjetër, partneri i saj, Petriti thotë se ata të dt kanë një raport të mirë me njëri-tjetrin, por familja e tij nuk i përkrah më.
“Gjetëm njëri-tjetrin, me mendime të përbashkëta. Kristina gjeti mbështetje tek mua i la të gjitha për mua, ajo pa tek mua pjekurinë, pasi jeta e përditshme… ajo ka kuptuar dhe ka bërë diferencën. Ne kemi pasur probleme sepse jemi 7 fëmijë, babai ka pasur të drejtën për të vendosur mes nesh mirëpo s’është më në gjendje dhe prandaj ne na janë krijuar këto probleme. Unë jam i 5 nga fëmijët dhe ata janë shprehur se unë jam një fëmijë i padëshiruar. Por ata në fillim më kanë mbështetur në zgjedhjen time”, rrëfen Petriti.
Në studio ka reaguar edhe motra e Petritit e cila shprehet se në fakt ka qenë partnerja e vëllait të saj ajo e cila e ka dhunuar.
“Vëllai im dhe kunata ime më kanë dhunuar dhe kanë ushtruar dhunë sidomos ajo kunata ka qenë me depresion dhe më ka terrorizuar, kam audio dhe video që e vërtetoj këtë gjë”, u shpreh ajo.
