Në kohë lufte, duke u përballur me sfidën më të madhe ndaj autoritetit të tij që nga drejtimi i vendit të tij, me pushtimin e Ukrainës që shkaktoi përplasjen më të mprehtë Lindje-Perëndim që nga viti 1962 dhe krizën e raketave Kubane, Presidenti rus Vladimir Putin po feston ditëlindjen e tij të 70-të.

Në ditëlindjen e tij, Putin do të marrë pjesë në një samit jozyrtar të Komonuelthit të Shteteve të Pavarura në Shën Petersburg, kryeqyteti dikur perandorak, në një ngjarje të krijuar për të treguar se Putini nuk është i izoluar, pavarësisht kritikave të përhapura për luftën në Ukrainë.

Patriarku Kirill i kërkoi klerit që të kushtojnë dy ditë lutje për shëndetin dhe jetëgjatësinë e udhëheqësit më jetëgjatë të Rusisë që nga Jozef Stalin.

“Zoti ju vendosi në pushtet”, shprehet patriarku në mesazhin e tij, duke vlerësuar presidentin rus për “transformimin e imazhit të Rusisë, forcimin e sovranitetit dhe mbrojtjen e interesave kombëtare”.

Por kush ishin liderët botëror që uruan Presidentin rus?!

Urimet u dërguan nga presidenti turk Rexhep Tajip Erdogan, presidenti i Bjellorusisë Alexander Lukashenko, presidenti i Taxhikistanit Imomali Rahmon dhe lideri i Koresë së Veriut Kim Jong Un.

Kim theksoi se Putin “ka pasur arritje në realizimin e qëllimit të madh strategjik për ndërtimin e një Rusie të fortë nëpërmjet aktiviteteve energjike, duke marrë përsipër përgjegjësinë e rëndë të kreut të shtetit për shumë vite”, raportoi TASS.

Ai gjithashtu vuri në dukje se Putin “gëzon respekt dhe mbështetje të madhe nga pjesa më e madhe e botës”.

Udhëheqësi çeçen, Ramzan Kadyrov, dërgoi një përshëndetje të ngrohtë me video, duke vënë në dukje se Putini ka luajtur një rol në Çeçeni për shumë vite dhe ka ndihmuar në çlirimin e rajonit nga terrorizmi.

Kryetari i Dumës së Shtetit, Vyacheslav Volodin, i shkroi presidentit rus: Për sa kohë të ekzistojë Putini, Rusia do të ekzistojë.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb