TIRANA
Jetojnë mbi një bodrum të mbushur me ujëra të zeza ku era e keqe kundërmon sapo hyme te porta. Dhe nuk bëhet fjalë për një rrugë të harruar në periferi por për rrugën ‘Riza Cerova’ pranë qendrës së tiranës. Problemi janë kanalizimet e dëmtuara që shpërthejnë në sipërfaqe sa herë që bie shi.
”Gjithë pisllëk, nuk vjen njeri, nuk vjen, janë korrupsion i madh. Unë mezi po rri këtu.’’ thotë i moshuari.
Në hyrje na pret Fotaqi, një 74 vjecar që mezi mbahet në këmbë sa nga mosha e sa nga sëmundjet e rënda prej të cilave vuan.
Na tregon me dorë bodrumin që për të dhe bashkëshorten është kthyer në makthin më të madh. Maskën nuk e heq për asnjë cast dhe pse thotë se ndien më shumë rrezik nga infeksioni i fekaleve që kanë pushtuar bodrumin sesa nga vetë covidi.
‘’Gjithmonë kur bie shi bëhet kështu. Që thotë ministrja ruhuni. Unë jam shumë i sëmurë. Këta janë të korruptuar’’- shton i moshuari.
Bashkëshortja e ka krahun të fashuar pasi është shembur në tokë në një nga ditët me shi kur përpiqej të largonte ujin nga bodrumi.
‘’Unë kam thyer krahun, nuk jam për këto gjëra’’- thotë bashkëshortja.
Me frymën që i mbahet vazhdimisht, Fotaqi tregon peripecitë e tij në dyert e institucioneve vendore për të gjetur një zgjidhje për ujërat e zeza, zgjidhje që nuk erdhi kurrë.
‘’I kam çuar të gjitha. Nuk çan kokë njeri. Jo do marr inxhinierin. Jo do marr unë, vetëm gënjeshtra.”- denoncon Fotaqi.
Në të njëjtën banesë është edhe një familje tjetër e cila thuajse është larguar si shkak i erës së rëndë dhe rrezikut të infeksionit.
I lodhur nga ecejaket dhe burokracitë 74 vjecari thuajse i pashpresë i drejtohet për herë të fundit kryeministrit rama për ndihmë.
(BalkanWeb)