Lionel Messi i ka dhënë fund pushimeve për suksesin në Kupën e Botës dhe për festat e fundvitit, duke u shfaqur përsëri në stërvitjen e PSG-së. Dhe klubi parisien e ka festuar në mënyrën më të mirë të mundshme kthimin e argjentinasit.

Tashmë ai ka bërë të tijin edhe trofeun që i mungonte në karrierë, Kupën e Botës. Messi është pritur në qendrën stërvitore të PSG-së me një “tunel” ku pjesëtarë të stafit, lojtarët dhe personali i qendrës stërvitore ishte rreshtuar duke duartrokitur futbollistin argjentinas për arritjen e tij.

Më pas, Luis Campos, drejtori i përgjithshëm i klubit, i dorëzoi atij edhe një trofe të vogël me një yll të artë të vendosur mbi të. Një nga temat e nxehta tani në janar është rinovimi ose jo me PSG-në.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb