Një mësuese gjermane 65 vjeçe do të jetë nëna më e vjetër e të gjitha kohërave që do të lindë katërnjakë.
Annegret Roenigk, tashmë ka 13 fëmijë, më i madhi prej të cilëve 44 vjeç, ndërsa shtatzënia e saj e fundit është rezultat i fekondimit artificial duke përdorur si spermën dhe vezët e dhuruara.
Gruaja që tashmë është 21 javëshe shtatzënë, tha se fillimisht ishte “tronditur” kur EKG-ja tregoi se ajo mbante një barrë të katërfishtë.
Gjinekologu i saj fillimisht i përmendi mundësinë e një “reduktimi selektiv”, ku një ose më shumë fetuse mund të abortohet, por ajo nuk pranoi.
Mësuesja e gjuhës angleze dhe asaj ruse, e cila do të dalë në pension këtë vit, tha se vendosi ti mbajë foshnjat, pasi është e aftë të kujdeset për to. Ajo shtoi: “Nuk mendoj se unë do të kem ndonjë problem”.
13 fëmijët e saj, më i madhi 44 vjeç, janë nga pesë baballarë të ndryshme dhe Roenigk ka shtatë nipër e mbesa.
(m.k/BalkanWeb)