Çdo vit publiku pret paraqitjet e personazheve të tyre të preferuar në Met Gala. Sigurisht që në listën e personazheve më të përfolura nuk mungojnë thuajse asnjëherë anëtarët e familjes Kardashian. Megjithatë, siç raportojnë mediat e huaja në 24 orët e fundit, familja e njohur nuk do të marrë pjesë në një nga eventet më të shumëpritura të modës këtë vit.
Një burim i afërt me organizatorët e eventit zbuloi për Page Six se kryeredaktori i Vogue Anna Wintour do të bëjë… shkurtime në listën e të ftuarve këtë vit. Kështu që Kardashians do të jenë “jashtë”.
Ndonëse deri më tani arsyet nuk janë sqaruar, përflitet se qëllimi i eventit të këtij viti është që publikimet t’i kushtohen ekskluzivisht modës dhe të mos i vjedhin edhe një herë vëmendjen Kardashianët.
Paraqitjet e tyre “provokative” në Met Gala-n e fundit, për shembull ajo e Kim Kardashian si Marilyn Monroe në eventin e 2022-ës, janë shumë të fokusuara me mediat duke lënë në hije ngjarjen.
Why the Kardashian family is not invited to the 2023 Met Gala: Report https://t.co/qAN4xgEKAm vía @usahola
— Dany Jerez (@DanyJrez) March 14, 2023
Nga ana tjetër, një burim nga familja Kardashian mohon raportimet dhe thotë se yjet janë të ftuar çdo vit në këtë gala të shumëpritur. Ndaj, duhet pritur 1 maji për të parë nëse më në fund personazhet e njohur televizivë janë ftuar nga Anna Wintour.
