Një ngjarje e rëndë është regjistruar rreth orës 11:00 të së shtunës në fshatin Gjerbës në Skrapar.
Një 55-vjeçare ka gjetur vdekjen në ujërat e përroit të Tomorricës në fshatin Rehovë në rrethin e Skraparit.
Nuk dihet nëse gruaja është vetëhedhur në përrua apo e ka marrë rrjedha e tij në përpjekje për të kaluar në anën tjetër.
Edhe pse ngjarja ka ndodhur rreth orës 11:00 të së shtunës, Drejtoria Vendore e Policisë Berat nuk dha asnjë informacionin zyrtar për këtë ngjarje.
Reagimi erdhi pas 24 orësh, vetëm këtë të diel rreth orës 18:30 policia e Skraparit njoftoi se 55-vjeçarja është vetëmbytur.
Kujtojmë se ky reagim vjen pas publikimi të lajmit në rrjetet sociale nga kryetari i PL-së Ilir Meta.
Sipas policisë, gruaja rezulton me probleme të shëndetit mendor dhe kishte kërcënuar disa herë se do të mbytej në lumë.
Mbi trupin e viktimës Sheqere Llahi është kryer edhe autopsia mjeko-ligjore, që nuk ka konstatuar shenja dhune.
Viktima ishte banuese në fshatin Gjerbës në Skrapar dhe pas largimit të saj nga banesa, bashkëshorti ka kryer menjëherë denoncimin në Komisariatin e Policisë Skrapar, por as ky informacion nuk është bërë publik nga policia, që tashmë deklaron se grupi hetimor po punon për sqarimin e plotë të rrethanave të ngjarjes.
Denoncimi i kreu të Partisë së Lirisë, Ilir Meta:
Njoftimi i Policisë Skrapar:
Më datë 21.01.2023, në fshatin Gjerbës, Skrapar, në ujërat e lumit në fshatin Rehovë, Skrapar, dyshohet se është vetëmbytur në ujë, shtetasja Sh.Ll., 55 vjeçe, banuese në fshatin Rehovë, Skrapar.
Trupi i pajetë i 55-vjeçares është nxjerrë nga uji, dhe nga këqyrja paraprake e trupit të viktimës, nuk janë konstatuar shenja dhune.
Për shtetasen Sh.Ll., më datë 21.01.2023, ka njoftuar bashkëshorti i saj se është larguar nga banesa. Nga deklarimet e familjarëve shtetasja Sh.Ll., prej disa kohësh kishte shfaqur shenja depresioni, dhe në vazhdimësi ishte shprehur se do të mbytej në lumë.
Grupi hetimor po punon për sqarimin e plotë të rrethanave të ngjarjes.
Materialet i kaluan Prokurorisë pranë Gjykatës së Shkallës së Parë Berat, për veprime të mëtejshme.
(BalkanWeb)
