Presidenti Ilir Meta e bashkeshortja e tij Monika Kryemadhi kanë publikuar në “Facebook” një video të shkëputur nga një dasmë e një familje, në Nikaj-Mërtur.
Në ritmet e muzikës patriotike, Meta i uron qytetarëve një fundjavë të mbarë, ndërsa i uron çiftit Monda dhe Marku një jetë të lumtur.
“Ju uroj një fundjavë të mbarë me këtë atmosferë festive, sot nga një dasmë e jashtëzakonshme e një familje patriotike të Nikaj-Mërtur! Të trashëgohen Monda dhe Marku! Të gëzohen dhe të shtohen shqiptarët kudo!”, shkruan Meta bashkangjitur videos së publikuar.
Me të njëjtin urim ka postuar dhe bashkëshortja e Kreut të Shtetit, kryetarja e LSI-së, Monika Kryemadhi. Ajo ka postuar një video në Instagram shkëputur nga Vallja e Tropojës gjatë dasmës në Nikaj-Mërtur.
Postimi i Monika Kryemadhit:
Monda dhe Marku sot kurorëzuan dashurinë e tyre me traditat e mrekullueshme shqiptare! Qofshin të lumtur përjetë!
(BalkanWeb)
