Presidenti i Shqipërisë, Ilir Meta ka takuar të rinj e të reja nga Kosova që kishin shkuar për të festuar 7 marsin në Korçë.

Meta thotë se sot është dita për të bërë një homazh edhe për mësuesit shqiptarë në Kosovë që sakrifikuan në kushte terrori e gjenocidi për përhapjen e gjuhës shqipe dhe edukimin patriotik të të rinjve.

Ai shton se është tepër e rëndësishme për më shumë kushtim ndaj rëndësisë së edukimit patriotik të të rinjve shqiptarë dhe mborjtjes së vlerave e simboleve kombëtare.

STATUSI NGA ILIR META
Shumë i lumtur, që sot më 7 Mars, në këtë ditë të bekuar për mbarë kombin tonë, të takohesha në Korçë me Herolindën, Liridonën dhe shumë të rinj e të reja nga Kosova, që festonin Ditën e Mësuesit.
Është tepër e rëndësishme t’i kushtojmë më shumë rëndësi edukimit patriotik të të rinjve shqiptare dhe mbrojtjes së vlerave dhe simboleve kombëtare më përbashkuese.
Sot është dita për të bërë një homazh, për të nderuar dhe shprehur një mirënjohje të thellë edhe për të gjithë mësuesit shqiptarë në Kosovë, për sakrificat sublime të bëra prej tyre në kushte terrori e gjenocidi, për përhapjen e gjuhës shqipe dhe edukimin patriotik të të rinjve. ???❤️??

(BalkanWeb)