TIRANË

Presidenti i Republikës, Ilir Meta vizitoi sot Katedralen “Ngjallja e Krishtit” në Tiranë ku u prit nga Kryepeskopi i Shqipërisë, Fortlumturia e Tij Anastasi dhe klerikë të tjerë të Kishës Ortodokse Autoqefale të Shqipërisë.
 
Presidenti Meta uroi drejtuesit e lartë të KAOSH-it dhe të gjithë besimtarët ortodoksë shqiptarë duke shprehur bindjen se nëpërmjet besimit në Zot e me vlerat më të mira shpirtërore dhe bashkëpunimit me njëri-tjetrin, shpresat për një jetë më të mirë do të ringjallen te të gjithë shqiptarët.

  • foto galeri
  • foto galeri
  • foto galeri

 
“Kjo është një ditë e jashtëzakonshme kundër dëshpërimit dhe fatalitetit, si dhe e shpresës dhe e entuziazmit për një të ardhme më të mirë. Është një ditë e triumfit të jetës mbi vdekjen, të së mirës mbi të keqen, të shpresës mbi frikën dhe mbi pasigurinë. Është një ditë, që na bashkon të gjithëve e që na ndihmon të reflektojmë për më shumë bashkëpunim dhe harmoni, për të mirën e përbashkët”, u shpreh Presidenti Meta.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb