Mijëra emigrantë kanë ngritur një kamp të improvizuar në anën e Shteteve të Bashkuara të kufirit jugor, nën një urë që lidh Teksasin me Meksikën.

Të enjten vonë, kryetari i Del Rio Texas tha se 10,503 emigrantë ishin nën urën ndërkombëtare Del Rio e cila lidhet me Ciudad Acuna, Meksikë – nga 8,200 në mëngjes.

Ata që qëndrojnë në kamp u kanë thënë gazetarëve se uji dhe ushqimi janë të paktë, me disa që kalojnë nëpër lumin Rio Grande dhe kthehen në Meksikë për të furnizuar me gjërat e domosdoshme që ata thonë se nuk po i marrin nga ana e SHBA.

Shumë prej tyre u kanë thënë gazetarëve se kanë marrë bileta nga zyrtarët kufitarë amerikanë dhe janë duke pritur që të përpunohen.

(BalkanWeb)