Në pritje që Milan të prezantojë të hënë zyrtarisht Marco Giampaolo si trajnerin e ri, drejtuesit e klubit janë shumë aktivë në merkaton e verës. Pas Krunic dhe Theo Hernandez blerja e tretë është ajo e Ismael Bennacer, Mesfushori 21-vjeçar vjen nga Empoli për 16 milion euro, ndërsa do të firmosë një kontratë 5-vjeçare me 1.3 milion euro në sezon.

Një tjetër afrim për të ardhmen, por ende shumë larg asaj që duhet të jetë goditja e madhe në tregun e transferimeve. Disa emra të rëndësishëm u afruan me Milanin gjatë javëve të fundit, por I kushtëzuar nga Fair Play Financiar, klubi kuqezi ka dështuar të mbyllë marrëveshjet. E njëjta gjë mund të ndodhë edhe me Dani Ceballos, objektivi madhor i Paolo Maldinit në merkato.

Futbollisti spanjoll me shumë mundësi do të transferohet në Premier League, pasi Tottenham është gati të paguajë 50 milion euro për kartonin e tij. Gjithsesi, te Milani nuk janë të surprizuar pasi e dinin që në fillim se do të ishte e vështirë. Për këtë arsye, punohet në fshehtësi për të tjera blerje. Me Dani Ceballos të sfumuar, milanistët synojnë të rrëmbejnë Ruben Neves.

Mesfushori portugez luan me Ëolëes në Premier League dhe kushton 45 milion euro. Një shifër e rëndësishme, por Milan ka në dorë një kartë të fuqishme. Bëhet fjalë për Andre Silva, sulmuesin e kthyer nga huazimi dhe që prej kohësh kërkohet nga klubi anglez.

Duke qëndruar në atë që raportojnë mediat italiane, e gjallë mbetet edhe pista Mariano Diaz. Sulmuesi do të largohet nga Real Madrid, ndërsa Milan ka kërkuar transferimin e tij në formë huazimi me të drejtë blerjen e kartonit në fund të sezonit.
(balkanweb)