Rafael Leao ishte një nga më të mirët e Milanit në sezonin që lamë pas. Kontrata e futbollistit skadon në vitin 2024, por kuqezinjtë dëshirojnë të “blindojnë” sulmuesin, ndaj janë gati t’i ofrojnë një marrëveshje të re.
Asgjë nuk do jetë e lehtë dhe kjo për shumë arsye. E vërteta është se portugezi dëshiron të qëndrojë në Milano, por jo gjithçka varet nga preferencat e tij.
Leao është e detyruar t’i paguajë Sportingut 20 milionë euro për prishjen e kontratës që bëri asokohe, për të kaluar te Lille. 23 vjeçari humbi gjyqin dhe tashmë duhet të paguajë paratë.
Në këto kushte, ylli i Serie A mund të detyrohet të ndërrojë destinacion. Nëse ai do largohej, me siguri do ishte një goditje e madhe për kampionët e Italisë.
(BalkanWeb)