Është shuar shumë shpejt objektivi më i rëndësishëm i Milan në merkaton e janarit. Megjithëse e kishte në dorë, klubi kuqezi ka dështuar në misionin pët të transferuar Dani Olmo. Mesfushori spanjoll ka zgjedhur të vazhdojë karrierën te Leipzieg, që me një ofertë rekord për Dinamo Zagreb, ka bindur kroatët të shesin kartonin e talentit të rritur te Barcelona.

Dani Olmo kalon te kryesuesit e Bundesligës për 30 milion euro plus bonuset. Një shifër që nuk mund të arrihej nga Milan, i kushtëzuar nga rregullat e Fair-Play Financiar. Vetëm pak ditë më parë, Zvonimir Boban kishte shfrytëzuar lidhjet e tij për të marrë një “PO” nga futbollisti dhe menaxheri i tij, por klubi kuqezi nuk mund të shpenzonte në këtë moment 25 milion euro për blerjen e tij.

Shkak për këtë është edhe bllokimi i merkatos në dalje. Piatek, Suso dhe Paqueta kanë gati valixhet, por Milan nuk po arrin të marrë ofertat e duhura. Si pasojë, tre futbollistët që konsideroheshin të rëndësishëm në formacionin kuqezi, tashmë janë kthyer në një ngarkesë për financat e dobta të klubit, që sipas llogarive mban të paktën 85 milion euro në pankinë.
(balkanweb)