Ministri i Punëve të Jashtme, Ditmir Bushati nëpërmjet një statusi në Twitter ka dënuar sulmin terrorist në Barcelonë që i mori jetën 13 personave.
Ministri Bushati e dënoi në termat më të ashpër këtë akt barbar duke shprehur solidaritetin për qëndresën e popullit spanjoll, u transmetoi ngushëllime familjeve dhe të afërmve të viktimave. Shqipëria do të vijojë të qëndrojë me vendosmëri përkrah Spanjës e vendeve mike dhe aleate në luftën kundër terrorizmit.
“Dënoj fort sulmin terrorist në Barcelonë. Lutjet e mia shkojnë për viktimat dhe familjarët e tyre. Jemi me Spanjën në këtë moment të vështirë,” shkruan Bushati.
I strongly condemn the terror attack in #Barcelona. My thoughts go to the victims & their families. We stand with #Spain against terrorism
— Ditmir Bushati (@ditmirbushati) August 17, 2017
Pas sulmit në Barcelonë ku një furgon përplasi turmën e njerëzve në sheshin ‘Katalunja’ ka reaguar dhe Ambasada shqiptare në Spanjë.
Ambasada u ka bërë thirrje të gjithë shtetasve shqiptarë që të shmangin vendin e aktit terrorist dhe të ndjekin udhëzimet e autoriteteve lokale.
Ambasada në Madrid njoftoi se deri tani nuk evidentohen shtetas shqiptarë në atentatin terrorist në Barcelonë.
(e.f/BalkanWeb)