Ministri ukrainas i mbrojtjes Oleksii Reznikov ka një mesazh të thjeshtë për ushtarët rusë: “Ata ju premtuan një shëtitje të lehtë, por ju dërguan në një kurth”.
Në një adresë të regjistruar të shpërndarë në Telegram, Reznikov u bëri thirrje atyre që të shpëtojnë Rusinë nga tragjedia dhe ushtrinë ruse nga poshtërimi.
Ai vazhdoi duke thënë: “Po shkatërroni qytete të tëra. Si do të hyni në histori?”.
Komentet vijnë pasi Rusia vazhdon të përballet me pengesa ushtarake në pushtimin e saj të Ukrainës.