Ministria për Evropën dhe Punët e Jashtme njofton se nga sot hyn në fuqi marrëveshja Shqipëri-Serbi për lëvizjen e lirë të qytetarëve.

Sipas njoftimit zyrtar, tashmë shqiptarëve u duhet vetëm një kartë ID për të hyrë në Serbi, dhe e njëjta gjë edhe për serbët në Shqipëri.

Serbia bëhet vendi i pestë ku shqiptarët mund të lëvizin lirshëm duke treguar në pikë kufitare vetëm kartë ID.

 

STATUSI NGA MEPJ

Ministria për Evropën dhe Punët e Jashtme njofton se që prej datës 20 janar 2021 ?, ka hyrë në fuqi marrëveshja ndryshuese ndërmjet Këshillit të Ministrave të Republikës së Shqipërisë dhe Qeverisë së Republikës së Serbisë mbi lëvizjen e ndërsjellë të shtetasve.

Tashmë, për të gjithë qytetarët shqiptarë që udhëtojnë drejt Serbisë do të cilësohen si të vlefshme këto dokumente: pasaportë, pasaportë diplomatike, pasaportë shërbimi, një dokument udhëtimi për hyrje (kthim) në Republikën e Shqipërisë, kartë identiteti biometrike.

Ndërsa për shtetasit serbë që do të kalojnë kufirin shqiptar do të cilësohen të vlefshme këto dokumente: pasaportë, pasaportë diplomatike, pasaportë shërbimi, leje kalimi, kartë identiteti biometrike.

Serbia bëhet kështu vendi i pestë (pas Kosovës, Malit të Zi, Maqedonisë së Veriut dhe Bosnje Hercegovinës) ku qytetarët shqiptarë mund të lëvizin lirshëm vetëm duke paraqitur një kartë identiteti biometrike.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb