Ministria e Shëndetësisë informon se sot ka ndërruar jetë tek Spitali Infektiv me COVID-19, por që shkaku i vërtetë nuk ka qenë virusi.

Sipas ministrisë në një reagim për mediat, 62- vjeçarja u soll dje nga Shkodra në Spitalin Infektiv në Tiranë dhe vdiq prej pankreatitit nekrotizant. Po ashtu ajo vuante nga kanceri si dhe astma bronkiale.

NJOFTIMI ZYRTAR

Ministria e Shëndetësisë: Nuk ka viktimë si pasojë e COVID19 në spitalin infektiv, shkaku i vdekjes së pacientes sëmundja e rëndë e pankreasit

Lidhur me lajmin e publikuar në media për vdekjen e një paciente me COVID19, Ministria e Shëndetësisë dhe Mbrojtjes Sociale informon se:
Gjatë ditës së ndërruar jetë në spitalin infektiv një 62-vjeçare si pasojë e një sëmundje të rëndë kronike të pankreasit, me vdekshmëri shumë të lartë: pankreatiti nekrotizant. 62-vjeçarja që vuante edhe nga kanceri dhe astma bronkiale, është sjellë ditën e djeshme në gjendje të rëndë nga spitali i Shkodrës, ku rezultoi bartëse e COVID19, por pa shenja klinike të sëmundjes. Referuar shërbimit infektiv, 62-vjeçarja nuk ka ndërruar jetë si pasojë e COVID19, pasi ishte asimptomatike për këtë sëmundje, por si pasojë e sëmundjes së rëndë të pankreasit.
Ministria e Shëndetësisë informon se do të mbajë të informuar publikun për çdo zhvillim, ndaj lutemi t’I referoheni njoftimeve zyrtare.

(BalkanWeb)