AUSTRALI
Rekordmeni më i mirë i të gjitha kohërave, Usain Bolt është larguar nga klubit i futbollit Central Coast Mariners, aty ku qëndroi për 8 javë në provë intesive, i cili kishte për qëllim kalimin në futbollin profesionist.
Sprinteri Xhamajkan u bashkua me klubin australian në gusht të këtij viti, pasi vitin e kaluar u largua nga atletika me synimin për t’u marrë më një sport tjetër, raporton “BalkanWeb”.
Vetë Bolt edhe në konferenca për mediat ka deklaruar se është i kënaqur me klubin, por këta të fundit kanë njoftuar se nuk është gjetur një zgjidhje komerciale mes palëve. Një javë më parë, përfaqësuesit e klubit të Mariners thanë se po përgatitet një draftversion e marrëveshjes e cila ka dy segmente, atë sportiv dhe komercial.
“Përkundër takimeve me disa partnerë potencialë, nuk është arritur një marrëveshje”, thuhet në njoftimin e sotëm. Usain Bolt është fituesi i tetë medaljeve të arta olimpike dhe 11 të tjera në kampionatet botërore. Ai mban rekordet botërore në 100 metra (9.58 sekonda) dhe në 200 metra (19.19 sekonda).
Ende nuk dihet e ardhmja e rekordmenit botëror, por me siguri pasioni dhe egoja e xhamajkanit do të konkretizohet në një klub tjetër. Njoftimi i tij se do t’i hynte futbollit lumturoi jo pak mbështetës, por tashmë gjithçka pritet për t’u parë, sepse aktualisht ai është një i “papunë”, të paktën në fushën e futbollit.
(n.m/BalkanWeb)
