Presidenti i Chelseat, Todd Boehly thuhet se është gati të japë dakordësinë për transferimin e Jude Bellingham verën e ardhshme.
Ekziston një listë e gjatë e skuadrave që kërkojnë të blejnë yllin e Borussia Dortmundit. Edhe në merkaton e kaluar interesimi ishte i madh por verdhezinjtë bënë me dije se 19-vjeçari nuk ishte në shitje këtë vit, pasi kishte humbur tashmë Erling Haaland.
Por, një garë e fortë për të gjithë pritet të zhvillohet vitin e ardhshëm me Liverpool dhe Manchester City që e shikojnë reprezentuesin anglez si një nag talentet më me prespektivë për të ardhmen. Por ka konkurrencë edhe më të gjarë se kaq, pasi Paris Saint-Germain dhe Real Madrid gjithashtu janë shumë të interesuar.
Miliarderi amerikan, Boehly e ka misionin e tij personal kalimin e mesfushorit Bellingham në Londër dhe për këtë po kërkon në ccdo mënyrë të mundshme hyrjen në bisedime me klubin dhe lojtarin.
Një mesfushor i klasit të lartë është në krye të listës së dëshirave vitin e ardhshëm për Chelsean, pasi N’Golo Kante dhe Jorginho janë në të 30-tat e tyre dhe në vitin e fundit të kontratave. Declan Rice mbetet në radarin e klubit, por West Ham kërkoi 130 milionë funte.
(BalkanWeb)