Rusia ka publikuar një video përmes të cilës pretendon se në të shfaqen të mbijetuarit e anijes luftarake të fundosur të Moskës, duke përfshirë kapitenin, për të cilin thuhet se ishte vrarë në Detin e Zi gjatë një sulmi me raketa ukrainase. Pas një ndërprerjeje virtuale të lajmeve në Moskë që çoi në spekulime se qindra trupa ruse ishin vrarë, pamjet e reja tregojnë kapitenin e marinës, admiralin Nikolay Yevmenov, 60 vjeç, duke iu drejtuar oficerëve të marinës dhe marinarëve në qytetin port të Krimesë, Sevastopol.

Por ende mbetet e paqartë se kur është zhvilluar ky takim. Një nga oficerët e pranishëm i ngjante kapitenit të rangut të parë Anton Kuprin, komandant i Moskës, për të cilin ukrainasit pretenduan se ishte vrarë në fundosjen e shkaktuar dukshëm nga një sulm me raketë Neptun.

Në pamjet pa zë, rreth 120 marinarë dhe oficerë shihen duke qëndruar në këmbë me uniformë. Kremlinit iu desh një ditë për të pranuar se kryqëzori i drejtuar me raketa ishte humbur, megjithëse pretendoi se anija u rrëzua ndërsa po tërhiqej në port pasi një zjarr shpërtheu në bord.

Ukraina pretendoi se i gjithë ekuipazhi, përfshirë Anton Kuprin, komandantin e Flotës së Detit të Zi, kishin vdekur. Nëse është e vërtetë, kjo do shënon humbjen më të madhe të jetëve të marinës ruse në det që nga Lufta e Dytë Botërore. Natalia Gumeniuk, një zëdhënëse e forcave ushtarake, tha: “Ne pamë që anijet e tjera u përpoqën ta ndihmonin atë, por edhe forcat e natyrës ishin në anën e Ukrainës sepse stuhia bëri të pamundur si operacionin e shpëtimit ashtu edhe evakuimin e ekuipazhit”.

Ministria ruse e mbrojtjes mohoi këto pretendime dhe këmbënguli se ekuipazhi ishte evakuuar me sukses dhe ishte kthyer në bazën e tyre në qytetin e Krimesë, Sevastopol, raporton Daily Mail.

Mbrëmë, një video 38 sekonda u shfaq në mediat sociale që pretendonte se tregonte ekuipazhin duke u përshëndetur nga admirali Nikolai Yevmenov, komandanti i Marinës Ruse, në një paradë ushtarake në Krime.

Vërtetësia e pamjeve nuk mund të verifikohe dhe disa dhjetëra njerëz u fotografuan të premten duke mbajtur një vigjilje në një shesh të qytetit në Sevastopol. Një kurorë e lënë nga një monument i marinës ruse mbante mesazhin: “Për Moskën dhe ekuipazhin e saj”.

Kishte raporte për një betejë tetë orëshe për të shpëtuar anijen nga fundosja. Megjithatë, pamjet lanë shumë pyetje pa përgjigje.

Humbja e Moskës shënon viktimën e vetme më të madhe të shkaktuar nga Ukraina në ushtrinë ruse gjatë luftës deri më tani dhe një nga anijet më të mëdha të humbura në luftime që nga fundi i Luftës së Dytë Botërore.

Kjo shënon gjithashtu një tjetër humbje poshtëruese për forcat e armatosura të Putinit, me liderin rus që thuhet se ishte ‘i zemëruar’ pasi iu dha lajmi. Sipas mediave ruse, Putini është informuar brenda natës për humbjen e anijes dhe gabimisht i është thënë se sulmi është kryer me armë britanike.

Putini ishte ‘i zemëruar’ në një mënyrë ‘të pa parë më parë’, tha kanali Telegram General SVR. Kanali pretendon se ka informacione të brendshme nga një ish-shërbyes sekret me lidhje brenda Kremlinit.

As Ukraina dhe as Rusia nuk kanë dhënë një përgjigje zyrtare të asaj që ndodhi me Moskën, edhe pse burimet duke folur për kanalin Telegram Reverse Side of the Medal, i cili ka lidhje me grupin ushtarak Russian Wager, kanë dhënë llogari të detajuar.

Sipas këtyre burimeve, Moska po lundronte në Detin e Zi midis qyteteve portuale ukrainase të Odessa-s dhe Mykolaiv-it kur u vu në shënjestër të mërkurën në mbrëmje. Ukraina thuhet se përdori dronët Bayraktar të prodhimit turk për të shpërqendruar mbrojtjen raketore të anijes, duke lejuar që dy raketa Neptun të shkrepura nga një bateri bregdetare të depërtojnë.

Ato goditën anijen në anën e portit duke bërë që ajo të përmbysej pjesërisht. Kushtet e paqëndrueshme në det bënë që anija të fillonte të fuste ujë.