Mjeku i njohur Drini Dobi është nisur për kurim jashtë vendit pas ndërlikimeve serioze të gjendjes së tij nga COVID-19. Kolegët e tij në Shqipëri, në Gjermani, Francë, Zvicër dhe Itali si dhe të afërmit e mjekut që po përballet me koronavirusin kanë nisur të mbledhin para në Go Fund Me për trajtimin e tij mjekësor në Itali ku ndodhet aktualisht.

“COVID-19 ka prekur shumë nga radhët e bluzave të bardha e të shumta janë dhe humbjet e kolegëve. Kësaj here do dëshironim të bënim atë çka mundemi për Dr. Drinin. Gjendja e tij është e rëndë dhe aktualisht ndodhet në një nga spitalet e Italisë për trajtim me shpresën se do të rezistojë sa më gjatë e do t’ia dalë mbanë. Kjo përpjekje e tij dhe e familjareve shoqërohet gjithashtu dhe shpenzime të papërballueshme financiare, ndaj dhe ju lutemi secilit që ka dëshirën dhe mundësinë të kontribuojë”, është apeli në media.

Thirrja për ndihmë në GO FUND ME është hapur përpara disa orëve dhe nga 50.000 euro që nevojiten në mënyrë që dr. Dobi të vijojë kurimin në Itali janë grumbulluar vetëm 8.185 euro
Mjekët shqiptarë në Europë të cilët kanë bërë thirrjen për ndihmë:
Xhulieta Treska, MD, Germany
Erjon Panajoti, MD, Albania
Ilir Halili, MD, Albania
Indrít Seferí, PhD, Albania
Drilon Cupi, MD, Germany
Vjosana Gosnishti, MD, Germany
Elona Cekani, MD, Sëitzerland
Roland Jovani, MD, France
Arvena Hila, MD, Italy
Arjola Ustalli, MD, Italy
RubJona Xhani, MD, Italy
Eni Dragoj, MD, PhD, Italy

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb