Luca Modric nuk është në formacionin titullar të Real Madrid për Superkupën e Europës ndaj Atletico Madrid. Ky detaj ka bërë që shumë të besojnë se kroati është tashmë drejt transferimit te Inter, tifozët e të cilës po presin me padurim.
Për të mësuar më shumë rreth këtij kalimi do të duhet të presim deri nesër, ditë e cila sipas mediave në Spanjë por edhe në Itali, Real Madrid dhe Modric do të vendosin përfundimisht se cila do të jetë e ardhmja e lojtarit.
Ndërkohë sot, një nga gazetarët më afër klubit madrilen ka shkruar se Modric tashmë është joshur nga zikaltërit dhe do të bëjë të pamundurën për të kaluar në Itali.