Ukraina përballet me një forcë pushtuese ruse që është shumë më e madhe se të gjitha shërbimet e saj të armatosura së bashku. Ndërsa forcat ruse hynë në zonat e shkëputura të Ukrainës lindore këtë mëngjes dhe filluan operacionet për të shkatërruar objektet kryesore ushtarake të Ukrainës, janë shfaqur postime në mediat sociale të ukrainasve që largohen nga shtëpia për në vijat e frontit ose qëndrojnë për të luftuar.

Në njërën prej tyre, një burrë ukrainas shihet duke përqafuar vajzën e tij të vogël në një zonë të sigurt për civilët, nga ku ajo do të dërgohej në një strehë. Burri do të qëndronte prapa për të luftuar forcat ruse. Ai shpërthen në lot, po ashtu edhe vajza. Tweet-i i shpërndarë nga media e pavarur New News EU thotë: “Një baba që dërgoi familjen e tij në një zonë të sigurt i dha lamtumirën vajzës së tij të vogël dhe qëndroi prapa për të luftuar…”

Lajmi nuk përmend vendndodhjen. Megjithatë, bombardimet ruse u dëgjuan në Kiev dhe disa qytete të tjera, të cilat janë jashtë dy zonave të shkëputura në Ukrainën lindore ku Rusia fillimisht tha se do të mbeteshin forcat e saj.

Në një video tjetër të postuar në Twitter nga New News EU, një grua ukrainase shihet në një rrugë duke u thënë ushtarëve rusë të kthehen pas.
Ukraina tha se forcat ruse kishin arritur në rajonin rreth Kievit dhe një betejë ishte duke u zhvilluar për një bazë ajrore pranë qytetit. Agjencia e lajmeve AFP raportoi se njerëzit në pjesën veriore të Kievit panë disa helikopterë që fluturonin ulët.

Në fjalimin e tij televiziv, presidenti rus Vladimir Putin e justifikoi sulmin si një mbrojtje të republikave të vetëshpallura Donetsk dhe Lugansk në Ukrainën lindore.
Pushtimi shkaktoi paralajmërime perëndimore për sanksione të pashembullta kundër Rusisë, pasi Organizata e Traktatit të Atlantikut të Veriut, Bashkimi Evropian dhe liderët e G7 dënuan pushtimin dhe u zotuan të mbajnë Moskën përgjegjëse.

Sondazh


Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: