Roberto Mancini është simboli i kësaj Italie, fine, me klas dhe e bukur për tu parë. Tekniku “azzurr” do të kujtohet gjatë për atë që solli këtë “Euro2020”, një Itali shumë ndryshe por sërish fituese. Massimo Moratti, ish presidenti i Inter, duke folur për suksesin e tyre e Italisë u ndal fillimisht tek Mancini: “U tregua i zoti, nuk u kursye kurrë, mbi të gjitha këto muaj. I dha të gjithëve forcë për të luftuar për diçka të pabesueshme, vendosi skuadrën në kushtet e duhura për të arritur një objektiv që duhej i pamundur, një objektiv që askush nuk e merrte aq seriozisht. Mancini nuk vendosi limite por bindi të gjithë grupin dhe krijojë një frymë shumë të mirë rreth kombëtares me mendime pozitive”, u shpreh Moratti.
Ajo që Italia arriti në këtë evropian ka prekur dhe një emër të madh si Fabio Capello: “Kjo Itali e madhe më bëri të qaj por është vetëm hapi i parë, ky grup është shumë i fortë, ka një trajner që në pak kohë ndërtoi një skuadër të vërtetë, shpesh është dhe e vështirë për ta besuar se është Italia kur e sheh duke luajtur. Botërori në Doha është vetëm pas një viti”, u shpreh Capello.
(BalkanWeb)