Organizata Botërore e Shëndetit (OBSH) tha të Mërkurën se kishte “tendenca shqetësuese në rritje” në fazat e para të epidemitë në pjesë të Afrikës dhe Amerikës Qendrore dhe Jugut, ndërsa paralajmëroi gjithashtu se hapja e udhëtimeve globale duhej të menaxhohej me kujdes.

“Shumica e vendeve janë ende në fazat e hershme të epidemive të tyre dhe disa që u prekën herët nga pandemia, kanë filluar të shohin një rigjallërim në disa raste”, tha drejtori i përgjithshëm i OBSH-së Tedros Adhanom Ghebreyesus për gazetarët e Gjenevës në një konferencë virtuale.

“Mos bëni gabim, kemi ende shumë rrugë për të bërë”. Ky virus do të jetë me ne për një kohë të gjatë”, shtoi ai, ndërsa vuri në dukje përparimin në Evropën Perëndimore.

Eksperti më i mirë i urgjencave të OBSH-së, Dr Mike Ryan paralajmëroi për hapjen e shpejtë të udhëtimeve globale, duke thënë se kjo do të kërkojë “menaxhim të kujdesshëm të rrezikut”.

OBSH, e kritikuar shumë nga SHBA-ja për menaxhimin që ajo i bëri epidemisë së COVID-19, theksoi se ajo paralajmëroi në kohën e duhur për urgjencën ndërkombëtare shëndetësore.