Deputetja e PD Albana Vokshi në studion e “News24” foli për koncesionin e sterilizimit duke u ndalur edhe skandali me mos-funksionimin  e pajisjeve te Onkologjiku.

Gjatë bisedës në studio, Vokshi tha se mosfunksionimi i pajisjeve rrezikoi jetën e pacientëve.

“600 gra në tre vite nuk kanë mundur të bëjnë terapinë e duhur sepse nuk funksionon pajisja dhe këtë e thotë opozita. Përse nuk është vënë në funksionim, kush e mban përgjegjësi. Sëmundja nuk pret. Sot flasim për para për check up të pakryera asnjëherë. Nga ana e drejtuesve të shëndetësisë nuk janë marrë masat e duhura”, ka thënë Vokshi.

Sipas raportit e auditit të KLSH të siguruar nga BalkanWeb, rezultoi se në Spitalin Onkologjik nuk është funksionale pajisja mjekësore e Brakiterapi (Kyriterapi), gjë e cila ka shkaktuar mos trajtimin për 600 gra paciente me CA gjinekologjik me radioterapi, fakt ky që përbën një rrezik për shëndetin e tyre.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: