Rusia i ka dërguar ftesë Shteteve të Bashkuara të Amerikës, Kinës, Pakistanit dhe talebanëve që të marrin pjesë në bisedimet e Moskës dhe Afganistanit, që do të mbahen më 19 tetor.

Lajmi është konfirmuar nga AFP, e cila citon burime ruse.

Gjatë një interviste për media, ministri i Jashtëm rus, Kabulov është pyetur nëse Rusia do të dërgonte ndihma në Afganistan, ku kriza humanitare po përkeqësohet. Rusia tha se do të jepte ndihmën e premtuar, por detajet ende ishin duke u vendosur.

Moska ka lëvizur për t’u angazhuar me talebanët, por nuk pranoi njohjen e grupit, i cili është i ndaluar si organizatë terroriste në Rusi.

Të hënën, Kabulov tha se Moska nuk do të “përjashtonte” rishikimin e regjimit të sanksioneve të Kombeve të Bashkuara kundër talebanëve.

Vlen të përmendet se Afganistani ndan një kufi me Taxhikistanin ish-Sovjetik, ku Rusia mban një bazë ushtarake kryesore.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb