“Në dëshirën e tyre për të mbytur Rusinë, fuqitë perëndimore janë gati për çdo gjë, përfshirë edhe ringjalljen e nazizmit”, tha Misioni i Përhershëm i Federatës Ruse në Kombet e Bashkuara në Gjenevë në një deklaratë të raportuar nga TASS.
Dje këshilli i OKB-së për të drejtat e njeriut votoi me një shumicë të madhe në favor të hapjes së një hetimi për shkeljet e supozuara serioze të kryera nga forcat ruse në Ukrainë, duke ndihmuar kështu në forcimin e presionit diplomatik ndaj Moskës.
Në veçanti, Këshilli miratoi me 33 vota pro dy projekt-rezolutat e paraqitura nga Ukraina për të nisur një hetim mbi shkeljet e supozuara të kryera nga ushtria ruse në rajonet e Kievit, Chernihiv, Kharkiv dhe Sumy në fund të maujit shkurt dhe mars. .
Sipas misionit, “histeria anti-ruse, e lëshuar nga perëndimorët, nuk ka të bëjë fare me një shqetësim të vërtetë për fatin e vetë Ukrainës dhe popullit të saj”.
“Në dëshirën e tyre maniake për të mbytur Rusinë, ata janë gati për çdo gjë, deri në pikën e ringjalljes së nazizmit në manifestimet e tij më të shëmtuara”, tha misioni diplomatik në një deklaratë. Diplomatët rusë gjithashtu e konsideruan vendimin “një përdorim tjetër të Këshillit të të Drejtave të Njeriut në interes të një grupi të vogël shtetesh”.
Në këtë moment “siguria globale është e kërcënuar. Rusia, një shtet bërthamor dhe anëtare e përhershme e Këshillit të Sigurimit të Kombeve të Bashkuara, po sulmon kombin sovran të Ukrainës, duke bërë referenca të turpshme dhe të papranueshme për përdorimin e armëve bërthamore”. Kështu deklaroi presidenti i Këshillit Evropian Charles Michel gjatë vizitës së tij në Hiroshima. “Kjo jo vetëm që po trondit sigurinë e Evropës, por po ngre rrezikshmërisht aksionet për të gjithë botën”, shtoi ai në një video të fjalimit të tij të postuar në Twitter.
Moska po tërheq ushtarët e saj nga rrethinat e Kharkiv, qyteti i dytë më i madh në Ukrainë, ku po humbet terren. Kështu shkruan New York Times, duke cituar zyrtarë ukrainas dhe perëndimorë dhe duke theksuar se kjo është pengesa e dytë më e madhe ruse, që nga tërheqja nga Kievi muajin e kaluar. Sipas zyrtarëve, Kremlini ndoshta duhet të ridrejtojë trupat në jug-lindje, ku po forcon praninë e tij në Izium, një qytet dy orë larg Kievit, i pushtuar një muaj më parë, në portat e Donbass.
(Ansa/BalkanWeb)
