Shërbimi rus i sigurisë FSB tha se kishte identifikuar një shtetas të dytë ukrainas të akuzuar se kishte marrë pjesë në sulmin në të cilin Darya Dugina, vajza e filozofit ultra-nacionalist Alexander Dugin, u vra më 20 gusht në perëndim të Moskës.

Ky është Bodan Petrovich Tsyganenko, i cili dyshohet se ka bashkëpunuar me Natalya Vovk, e akuzuar se ka shpërthyer bombën në makinën e Duginës.

Sipas shërbimeve ruse, të cituara nga Tass, 44-vjeçari është gjithashtu agjent i shërbimeve sekrete ukrainase, i akuzuar se ka organizuar dhe kryer sulmin. Tsyganenko dyshohet se hyri në Rusi nga Estonia më 30 korrik dhe u largua nga vendi një ditë para se Dugina të vritej.

FSB e akuzon atë se i ka dhënë Vovk-ut targa false dhe dokumente false nën emrin e një shtetasi kazak, si dhe ka paketuar bombën e përdorur për sulmin. Shërbimi rus i sigurisë shton se hetimet vazhdojnë për të identifikuar bashkëpunëtorët e tjerë.

(Ansa/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb