Një motoçiklist shqiptar ka gjetur vdekjen në një aksident, pasi është përplasur me një makinë. Ngjarja e rëndë ndodhi dje rreth orës 20:30 në kryqëzimin e Papagou dhe Paul Mela në zonën e Sindos në Selanikun perëndimor.

Mediat greke raportojnë se bëhet fjalë për një 40-vjeçar shqiptar, identiteti i të cilit nuk dihet, ndërsa ai ka gjetur vdekjen e menjëhershme. Po ashtu bëhet e ditur se mjeti tjetër drejtohej nga një 21-vjeçar grek.

Shërbimet policore të Selanikut po hetojnë për të zbardhur shkaqet e këtij aksidenti fatal ku humbi jetën shqiptari.
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb