Me fillimin e muajit të Ramazanit, qeveritë e shteteve me shumicë myslimane janë ndarë në dysh sa u përket masave kundër koronavirusit. Shumë prej këtyre shteteve të premten kanë lehtësuar disa prej masave, ndërsa një numër sosh kanë hequr ndalesën e lëvizjes së qyteteve.
Më se 1.8 miliardë myslimanë janë shtrënguar që ta përshtatin muajin e agjërimit dhe reflektimit me masat, për të zhvilluar ceremoni më private sesa viteve të shkuara, si pasojë e mbylljes së xhamive.
Disa shtete kanë lehtësuar orët policore me qëllim që njerëzit të mund të dalin për blerje ushqimore.
Egjipti ka lejuar rihapjen e bizneseve dhe ka lehtësuar orën policore gjatë mbrëmjeve.
Këto lehtësime, Egjipti i bëri në ditën kur konfirmoi numrin më të lartë të infektimeve. Emiratet e Bashkuara Arabe dhe Algjeria gjithashtu lehtësuan masat për Ramazan.
Megjithatë ndryshe ka vepruar Indonezia, shteti me më së shumti myslimanë në botë. Ky shtet ka ndaluar udhëtimet e panevojshme, me qëllim të parandalimit të përhapjes së koronavirusit gjatë muajit të shenjtë të myslimanëve.