Stefano Pioli është shumë pranë emërimit si trajneri i ri i Mianit. Sot në mëngjes është parashikuar një takim ku Zvominir Boban dhe Paolo Maldini do ti paraqesin formalisht projektin kuqezi ish trajnerit të Fiorentinës. Gjithçka duket e mbyllur, nuk ka asnjë kundërshtim nga palët, thjeshtë janë proceduara për ta zyrtarizuar si “djallin” e ri. Akordi mes palëve është gjetur dhe në aspektin ekonomik, kontratë 2-vjeçare nga ku do të përfitoj 1,5 milion euro.

La Gazzetta
La Gazzetta

Në të njëjtën kohë është parashikuar edhe njoftimi zyrtar i klubit për shkarkimin e Marco Giampaolos. Kontaktet e para drejtuesit e klubit kuqezi i vendosën me Piolin mbrëmë në darkë, menjëherë pasi morën refuzimin e radhës nga Luciano Spalletti. Me ish trajnerin e Interit ishte një çështje e ndërlikuar, ishte një marrëveshje me kosto të lartë financiare por as klubi ziklatër nuk ishte shumë dakord për të lënë të lirë Spallettin i cili është ende nën kontratë.

Pioli
Pioli

Duke mbyllur përfundimisht këtë opsion, Boban-Maldini morën miratimin nga Elliot për të negociuar me ish trajnerin e Fiorentinës dhe Interit. Pioli përfaqëson një profil që i përshtatet shumë Milanit, një trajner pa shumë kosto dhe që pëlqen skemën 4-3-3. Pioli ka një mision të qartë dhe të shpejtë, të rikthej Milanin në pjesën e sipërme të klasifikimit.
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: