Filip Kostiç do të zbarkojë nesër në Torino. Mediat italiane raportojnë se ka marrëveshje totale mes Juventusit dhe Frankfurtit për transferimin e anësorit të Kombëtares së Serbisë te “Zonja e Vjetër”.
Zyrtarizimi mungon për shkak të çështjeve burokratike, por gjithçka do vuloset shumë shpejt. Kostiç-in e ndajnë nga Juvja vetëm disa detaje të vogla.
Juventus do të derdhë në arkat e ekipit nga Frankfurti 18 milionë euro. Më saktësisht, gjigandët e Serie A vlerësojnë me 15 milionë lojtarin, ndërsa 3 milionë do kalojnë në formë bonusesh.
Transferimi i Kostiç ka qenë dëshirë e drejtëpërdrejtë e trajnerit Allegri. Ky i fundit shpreson ta ketë gati lojtarin për sfidën ndaj Sassuolo.
(BalkanWeb)