Një profesor kosovar është kërcënuar me jetë, ndërsa në kërkim i është kërkuar një shumë e madhe eurosh. Mediat kosovare raportojnë se profesori i shkencave islame, Mustafa Bajrami ka marrë mesazhe kërcënuese dhe në këmbim i është kërkuar dhe një shumë prej 35 mijë euro nga persona që janë identifikuar nga policia.

Lajmi për kërcënimin e bëri të ditur vet Bajrami përmes llogarisë së tij personale në “Facebook”, i cili tregon se çfarë ka ndodhur.

“Ose 35000 euro, ose koka. Ky ishte ultimatumi i deridjeshëm. Pas ndërhyrjes së një fytyre shumë e njohur publike në Kosovë (jo fytyrë politike), çmimi ka ra, por, sipas ndërmjetësuesit, gjithqysh diçka duhet paguar. I them botërisht zotëriut dhe zotërinjve të involvuar. Nuk ka forcë në këtë botë që mund të më detyrojë të bëjë diçka jashtë vullnetit tim. Siç i kam quar selam mbrëmë edhe sot nga këtu i them; Pushka top iu bëftë se unë nuk frikohem. Kurrë dhe në asnjë mënyrë asnjë cent s’ka për ta marrë”, shkruan Bajrami.
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb