Shkëlzen Buci në një dëshmi ekskluzive për gazetaren Dorjana Bezat tregoi për emisionin ‘Me zemër të hapur’ detaje tronditëse nga jeta e motrës së tij, Eglantina Buci, e cila u vra 8 vite më parë. Në një rrëfim nga burgu, Buci, i akuzuar për vrasjen e motrës së tij, tha se Eglantina kishte ikur nga shtëpia që në moshën 17 vjeçe.
Madje ai tregon se atë e kishin fejuar me blerësi me një djalë nga Kruja, i cili jetonte në Greqi. Por, 4 muaj para se ajo të ikte në Greqi, tregon i vëllai, Eglantina ishte larguar nga banesa pa gjurmë.
“Kur iku mami i thash; “Dua mamanë time. S’dua ta di për problemet tuaja. Motrat vendosën që të jetonin me mamin. Motra ka ikur rreth 17 vjeçe nga shtëpia. Askush se dinte se ku iku. Pas 5-6 muajsh më tha; “Jam larguar me Leftër Dervishin që jeton në Kodër-Babrri. Jam larguar me atë person”- më tha. I them; “Këto gjera do t’i deklarojmë në polici”. Ky ishte ish-i dashuri i parë i motrës time. Pastaj se takoja dot më. Pastaj më thoshte; Jam në Itali, apo në Manastir. Në momentin që u largua nga shtëpia dhe ka jetuar mes mamasë biologjike, mes dajave, xhaxhait tim.
Pyetje nga gazetarja:
Kush e fejoi Eglantinë?
Buci: Me kë?
Po kështu ngrihet nga pretendimet në dosjen e prokurorisë..
Buci: Absolutisht jo. Thirrje krutanin. Djali ishte me pasaportë, jetonte në Greqi. Se fejuam pa dëshirë. Deshën. I prezantuam. Fejesa u bë me blerësi. Me datat jam shumë keq. Ishte në shtëpi kur u fejua. Pas fejese u largua nga shtëpia. Më kanë ardhur krutanët, bëmë fejesën. Ai tha; “Kur të bëhet pasaporta e vajzës, do ikim në Greqi”. Pas nja 4 muajsh, vajza u zhduk. Më kanë ardhur nja 10 veta për Eglën në shtëpi dhe na thotë; Nëse e ke martuar Eglën në vend tjetër, na ke një gjak borxh”. Krutani na tha në shtëpi; “Nëse unë do e gjej, o gjallë, o vdek, do bëhet nusja e djalit tim”. I kemi thënë; “Nëse e gjejmë, ta gëzosh, është gruaja jote. S’kemi si e martoj dy herë”. Kur u ngritën ata thanë; “Na ke një gjak borxh”.
(BalkanWeb)
