Agjencia amerikane për kërkime hapësinore, NASA, bëri të ditur se akullnaja më e madhe në botë ka filluar të lëvizë nga poli i jugut në drejtim të ujërave të ngrohtë, transmeton Anadolu Agency (AA).

Bëhet fjalë për një akullnajë me sipërfaqe prej 11.000 kilometrash katrorë, e cila 18 vjet më parë u shkëput nga pllaka e akullt antarktike e Rosit.

E përditshmja britanike “Daily Mail“ shkruan se videot e stacionit hapësinor ndërkombëtar shfaqin qartë akullnajën gjigante duke lëvizur në drejtim të ishujve South Georgia dhe South Sandwich në jug të Oqeanit Atlantik.

Shkencëtarët supozojnë se akullnaja do të shkrihet me të hyrë në detrat e ngrohtë.

Në 18 vitet e kaluara, ishulli i akullt lundronte i lirë rreth Antartikut, duke përshkuar afër 10.000 kilometra.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: