Pajisja për eksplorimin e hapësirës e NASA ka mbledhur me sukses mostrën e parë të një guri nga planeti Mars dhe po bëhet gati për ta sjellë në Tokë.

Adam Steltzner, inxhinier i ekipit që po merret me këtë mision, tha se kjo ishte “një mostër me bazë perfekte”.

Fillimisht, pajisja e eksplorimit gërmoi në gurë të butë dhe mostra u thërrmua dhe nuk hyri brenda tubit të titanit. NASA kërkoi për gjysmë milje për një vend më të mirë në mënyrë që të provonte sërish të mblidhte mostra.

Mars Missions

Pjesëtarët e ekipit kanë analizuar të dhënat dhe fotografitë para se të deklarojnë suksesin.

“Perserverance”, pajisja për eksplorimin e hapësirës, arriti në planetin Mars në muajin shkurt në kërkim të gurëve që mund të paraqesin dëshmi të jetës antike.

NASA planifikon të nisë anije të tjera kozmike për të marrë mostrat e mbledhura nga pajisja e eksplorimit. Inxhinierët shpresojnë të sjellin rreth 36 mostra brenda dekadës.

 

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: