Sekretari i Përgjithshëm i NATO-s, Jens Stoltenberg deklaroi në konferencën për shtyp pas samitit të jashtëzakonshëm, se pushtimi rus është kërcënimi më i madh për sigurinë në gjeneratë.

Populli i Ukrainës ka treguar guxim dhe vendosmëri duke luftuar për lirinë dhe të ardhmen e tyre. “Ne qëndrojmë me ta,” tha ai.

Stoltenberg thotë se pushtimi i Ukrainës nga Putini ka ndryshuar mjedisin tonë të sigurisë në afatgjatë dhe NATO është e përgatitur për “aspektin afatgjat”.
Ai rithekson se aleanca ka rritur praninë e saj në lindje dhe sot ka rënë dakord për katër grupe të reja beteje që do të dërgohen në Sllovaki, Hungari, Bullgari dhe Rumani.

Stoltenberg thotë se aleatët e NATO-s po koordinojnë përpjekjet kur bëhet fjalë për sigurinë energjetike. Kjo përfshin diversifikimin e burimeve të furnizimit dhe reduktimin e varësisë nga nafta dhe gazi rus.

I pyetur për Kinën, ai thotë se mesazhi i NATO-s është se ata duhet t’i bashkohen pjesës tjetër të botës në dënimin e “luftës brutale kundër Ukrainës” dhe të mos mbështesin Rusinë me mbështetje ekonomike apo ushtarake.

“Liderët e mbrojtjes ranë dakord për të investuar në mborjtje. Përpara samitit të Madridit në qershor, shumë vende aleate njoftuan planet për rritjen e shpenzimeve të mbrojtjes. Europa dhe Amerika do vazhdojnë të qëndrojnë të forta në NATO.
Kemi rritur prezencën tonë në lindje, kemi vendosur 4 batalione të tjera në lindje për një prezencë afatgjatë në pjesën lindore të Aleancës. Detajet do të vendosen në samitin tonë në qershor. Jemi përgatitur për një kohë të gjatë. Pushtimi rus i Ukrainës ka ndryshuar mjedisin e sigurisë në aspektin afatgjatë. Është një normalitet i ri dhe NATO është duke u përgjigjur në aspketin afatgjatë. Kina duhet t’i bashkohet pjesës së tjetër të botës, të dënojë fort ndërhyrjen e Rusisë në Ukrainë”, deklaroi Stoltenberg.

NATO pranon të forcojë mbrojtjen lindore
Udhëheqësit e aleancës ushtarake perëndimore të NATO-s kanë rënë dakord të forcojnë mbrojtjen e tyre në lindje në përgjigje të pushtimit rus të Ukrainës.

“Ne kemi aktivizuar planet e mbrojtjes së NATO-s, kemi vendosur elementë të Forcës së Reagimit të NATO-s dhe kemi vendosur 40,000 trupa në krahun tonë lindor,” njoftuan ata në një deklaratë të përbashkët pas bisedimeve në Bruksel.

NATO premton më shumë furnizime ushtarake dhe mbështetje kibernetike
Stoltenberg përshkruan atë që NATO ka rënë dakord të bëjë më tej për të ndihmuar Ukrainën.
Ai thotë se ka një “realitet të ri sigurie”.

Në tokë, do të ketë shumë më shumë forca në pjesën lindore të aleancës në një gjendje më të lartë gatishmërie. Në ajër, do të vendosen më shumë avionë, dhe në det, do të ketë grupe sulmi transportues, nëndetëse dhe anije luftarake në baza të vazhdueshme.

Dhe përveç më shumë furnizimeve ushtarake, mbrojtja kibernetike po forcohet gjithashtu dhe NATO do të ndihmojë gjithashtu Ukrainën të mbrohet kundër kërcënimeve bërthamore dhe biologjike.

Stoltenberg pyetet për adresimin e Presidentit Zelensky dhe apelin e tij për një për qind të tankeve dhe avionëve të NATO-s.

Stoltenberg thotë se ne të gjithë e dëgjuam “me kujdes” Presidentin Zelensky dhe shton se aleatët e NATO-s ofrojnë mbështetje të konsiderueshme për Ukrainën – por thotë se ai nuk do të hyjë në detaje se për çfarë pajisje është folur.

Ai thotë se NATO do të bëjë gjithçka që mundet për të mbështetur Ukrainën me armë, në mënyrë që të mund të mbrohen.

Armët kimike do të ‘ndryshojnë krejtësisht natyrën e konfliktit’
Stoltenberg thotë se është i shqetësuar sepse Rusia po përpiqet të akuzojë Ukrainën dhe aleatët e saj se po përgatiten të përdorin armë kimike – ai thotë se akuzimi i të tjerëve është një mënyrë për të krijuar një pretekst për të bërë të njëjtën gjë vetë.

Ato akuza kundër Ukrainës dhe aleatëve të NATO-s janë të rreme.
Çdo përdorim i armëve kimike do të “ndryshojë tërësisht natyrën e konfliktit” pasi do të ishte “një shkelje e hapur e ligjit ndërkombëtar” dhe do të ishte jashtëzakonisht e rrezikshme.

Kjo do të prekte jo vetëm njerëzit në Ukrainë, por edhe vendet potenciale të NATO-s për shkak të përhapjes së kontaminimit. Ai vëren se Rusia ka përdorur agjentë kimikë në të kaluarën – duke përfshirë Salisbury. Kjo çështje nxjerr në pah rëndësinë e përfundimit të luftës, thotë ai, duke shtuar se “kjo është një situatë e rrezikshme”.

“Ne jemi të shqetësuar se Rusia mund të përdorë armë kimike e biologjike. Akuza kundër Ukrainës dhe vendeve të NATO-s janë falso. Sa i përket armëve kimike kjo do ndryshonte natyrën e konfliktit.
Dimë se Rusia ka përdorur agjentë kimikë ndaj opozitës, madje dhe në territorin e NATO-s. Kjo nënvizon vetëm rëndësinë e dhënies fund të këtij konflikti. Prandaj kemi vendosur sanksione në mbështetje të Ukrainës. Aleatët kanë rënë dakord të dërgojnë pajisje për Ukrainën. Kjo do përfshinte mbulimin, mbrojtjen në rast kontaminimi, gjithashtu dhe për menaxhimin e krizës. Kemi rritur angazhimin e NATO-s për kërcënime nukleare, elementet e mbrojtjes kundër të tilla armëve. Gjithashtu kemi forcuar batalionet tona për të mbështetur Ukrainën dhe për veten tonë.”