Në studion e emisionit “Real Story”, në “News 24”, u diskutua mbi zgjedhjet për kryetarin e Partisë Demokratike, ku Lulzim Basha, u rikonfirmua për të tretin mandat radhazi.

Analisti Shpëtim Nazarko, i ftuar në studio, tha se sipas tij, PD dhe kreu i saj, Lulzim Basha kanë humbur mjaft vota nga aleanca me LSI.

Sipas tij, do të duhet që Basha të merret me këtë situatë, pasi përbën një problem.

“Unë mendoj që Basha do të fitonte normalisht, sepse ka disa pika që gjykoj si një njeri që spostohem prapa në histori. Një nga gabimet e mëdha është që ai ka thënë njeri Berishës, kur bëri aleancë me Metën, deri kur do të bëhej ajo? Ja pse unë do e zgjidhja prapë Bashën në krye të PD. Unë pëlqej që ngjarjet, t’i gjykoj si një njeri që rri 10 vite prapa.

Nga 2009 deri në vitin 2021 PD ka humbur dhe unë mendoj që Basha tani, ka humbur për shkak ë aleancës me LSI-në, sepse janë 160 mijë vota. Këto vota Basha thotë që më është dashur shumë t’i nxjerr nga qypi. Basha ka pasur dy probleme të mëdha.

Ka teori konspirative që është bërë bashkë me Ramën për të hequr qafe Metën. Madje dhe presidenti tha që më nxorën në pritë. Kjo është tipike e dinakëve, dembelë. Unë s’i jap meritë Bashës. Basha që kur e ka marrë në 2013-ën duhej të merrej me këtë histori”, tha Nazarko.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: