Eshtë ndarë nga jeta në moshën 96-vjeçare Sergio Zavoli, mjeshtri i gazetarisë televizive italiane.

”Babai” i programeve historike si ”La notte della Repubblica’, ishte komentator në radio si edhe president i RAI-t, gjatë viteve 1980-86.

Lindur në Ravenna në 1923, Zavoli ishte bashkuar me RAI-n në 1947 si një gazetar i radios.

Zavoli pati transmetime mjaft të suksesshme si TV7, AZ apo Controcampo.

Zavoli ishte gjithashtu redaktor i ”Mattino di Napoli” (1993-94) dhe nënshkroi si kolumnist për revista të ndryshme si ”Oggi”, ”Epoca” dhe ”Jesus”.

Senator nga 2001 deri në 2018, në 2009 ai u zgjodh kryetar i komisionit parlamentar për mbikëqyrjen e RAI-t.

Ai ka shkruar ese, të tilla si ”Udhëtimi rreth njeriut” (1969), ”Lindja e një diktature” (1973) dhe ”Nata e Republikës” (1992).

Ai gjithashtu botoi ”Dhjetë vjet të jetës sonë: 1935-1945” (1960); ”Njëzet vjet të tjerë të jetës sonë: 1945-65” (1965); ”Fëmijët e labirintit” (1974); ”Socialisti i Zotit” (1981); ”Romancë” (1987); ”Me këtë ritëm” (1993); ”Një vështrim i kujdesshëm” (1995); ”Dosja e kancerit” (1999); ”Dhimbja e padobishme” (2002); ”Ditari i një kronisti” (2002); ”Çështja: eklipsi i Zotit dhe historia” (2007). (Atsh)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: