Polonia na mund përsëri, kësaj here 1-0 në “Air Albania Stadium” dhe merr vendin e dytë në Grupin I. Një sukses i ardhur në pjesën e dytë, kur ndëshkohemi me një gol që nuk pritej.

Por ajo që ra në sy ishte ndërprerja e ndeshjes pas shënimit të golit të miqve, teksa tifozët shqiptarë të provokuar hodhën sende në fushë e lojës, duke rrezikuar të dëmtonin futbollistët e Polonisë. Ishte hera e dytë që ndodhte dhe gjyqtari ndali lojë. Kjo ndodhi në minutën e 77-të të ndeshjes, kur të dyja skuadrat po kërkonin me ngulm.

Pjesa e parë ishte e ekuilibruar, me polakët pak më shumë ngacmues. Reja fut më herët Brojën, duke zëvendësuar Uzunin, por nuk ka gol kësaj here.

Për të ardhur në minutën e 77-të, kur Sëiderski shënon gol për Poloninë. Një kros i gjatë, topi në shtyllën e dytë dhe polaku nuk fal, me Berishën të dorëzuar në cepin e portës. Rikthimi në fushë nuk është se sjell përmbysje, por as gol sigurie të Polonisë, mbyllet 0-1 dhe tashmë Shqipëria duhet të mendojë për vendin e tretë në grup.

Zhvillimet nga pjesa e parë:

Pjesa e parë mes Shqipërisë dhe Polonisë në “Air Albania Stadium” ka përfunduar në barazim pa gola. Rezultat që më shumë kënaq miqtë, pasi kalendari i nëntorit i favorizon.

Ndeshja nis me ritëm. Minutat e para janë disi më të mira për polakët, duke qenë pranë zonës me disa ndërhyje që bëjnë miqtë të kërkojnë ndërhyrjen e VAR, por gjyqtari bën shenjë që loja të vazhdojë.

Pastaj Ramadani vjedh topin në gjysmëfushën kundërshtare dhe e çon te Manaj. Ky i fundit nuk pason tek Uzuni, por tenton vetë. Sfera devijohet dhe shkon tek Uzuni, por Kryçoviak kthehet dhe largon sferën.

Në 11’ është një moment i mirë për tanët, Roshi shpërthen në të djathtën, por topi i tij në qendër ndalet nga mbrojtja. Miqtë marrin sërish iniciativën, tre goditje këndi radhazi, tek e treta topi shkon te Buksa, i cili në zonën e vogël gjuan, por çon sferën mbi traversë.

Polakët marrin kontrollin e manovrës, por nuk arrijnë të çajnë mbrojtjen e ngjeshur të kuqezinjve, duke qëndruar larg zonës së Berishës. Buksa i ikën Ismajlit nga e majta dhe nis një harkim në zonë për Levandovskin. Ky i fundit gjuan direkt, por bllokohet nga Kumbulla.

Ka edhe nervozizëm dhe Buksa ndëshkohet me të verdhë. Levandovski duket sikur ka probleme, por gjithsesi, qëndron në fushë, edhe pse dalin dy polakë në nxemje. Pjesa e parë përfundon 0-0.

Në minutën e 59-të vjen momenti i Brojës, i cili futet në fushë në vend të Uzunit, i gjithë stadiumi në këmbë për sulmuesin shkodran. Më pas Lenjani merr vendin e Trashit, por nuk është se ka freski.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb