“Nuk do të ketë ndryshime në rregullat në lidhje me kohëzgjatjen e ndeshjeve të futbollit për Kupën e Botës FIFA 2022 të Katarit apo ndonjë kompeticion tjetër” – ky ka qenë njoftimi i fundit i institucionit më të lartë të futbollit botëror.
Sot në media ka qarkulluar një lajm se ndeshjet e Botërorit të Katarit do të zgjasin jo më 90 minuta, por 100 minuta, duke përfshirë këtu një shtesë të konsiderueshme. Gjithsesi, një gjë e tillë nuk do ndodhë dhe konfirmimi ka ardhur nga vetë FIFA. Këta të fundit po mendojnë për ndryshime afat-gjata dhe jo nga ato që mund të aplikohen brenda këtij viti.
FIFA Statement
Following some reports and rumours spread today, FIFA would like to clarify that there will be no changes to the rules regarding the length of football matches for the FIFA World Cup Qatar 2022™️ or any other competition.
— FIFA Media (@fifamedia) April 6, 2022
Idetë që po qarkullojnë vijnë nga fakti se ka pak futboll efektiv, ku loja vonohet, topi është jashtë fushës, apo ndalesat e arbitrit për faull. Pavarësisht këtyre, FIFA duket se i ka idetë e qarta dhe për momentin nuk dëshiron të “përqafojë” ndryshimet.
(BalkanWeb)
