Zlatan Ibrahimovic as që ka ndërmend të ndalet. Pavarësisht se në moshën 42 vjeçare, pas një sezoni ku pjesën më të madhe e kaloi në infermieri, me vetëm 4 ndeshje aktive, Ibra konfirmon se dëshiron të luaj akoma: “Nuk jam dikush që dorëzohem, por duhet të ndjesh kënaqësi në atë që bën. A po e mendoj tërheqjen? Nuk besoj, mendoj të vijoj akoma të luaj futboll, por më duhet të gjej disa ekuilibra, ashtu si në jetë. Nëse nuk je i lumtur, i pa stabilizuar, nëse je një bombë, më pas bombat shpërthejnë”, u shpreh Ibra për La Gazzetta dello Sport duke u ndalur më pas te gjendja fizike:

210509 Zlatan Ibrahimovic Of Milan During The Serie A Match Between Juventus And Milan On May 9, 2021 In Turin. Photo:
210509 Zlatan Ibrahimovic Of Milan During The Serie A Match Between Juventus And Milan On May 9, 2021 In Turin. Photo:

“Jam mirë, jam mirë. Kam punuar shumë, jam sforcuar shumë, jo vetëm këtë vit, por edhe një vit më parë. Më vjen keq sepse kur unë isha i dëmtuar skuadra kishte nevojë për mua. Unë ndihem një Supermen sa herë zbres në fushë, por më duhet të gjej ekuilibra”, theksoi Ibra duke folur më pas me siguri në lidhje me të ardhmen:

Ibrahimovic
Ibrahimovic

“Jam mirë te Milan, Milano është shtëpia ime. Sa i përket kontratës nuk ia kam idenë, i thash Maldinit bëj çfarë të duash. Më sollën një tufë me letra për të firmosur, mua më intereson vetëm të dijë që jam një lojtar i Milanit, pjesa tjetër nuk ka rëndësi. Monza? Prej 3 vitesh Galliani me merr në telefon çdo ditë dhe më thotë eja te Monza, është një qytet i bukur, të pret gati një kontratë, por unë jam një lojtar i Milanit dhe jam krenar për këtë”, u shpreh Ibra për La Gazzetta dello Sport.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: